కోల్‌కతా వైద్యురాలిపై హత్యాచారం కేసు.. పాలిగ్రాఫ్ టెస్టులో సంచలన విషయాలు వెల్లడించిన నిందితుడు

కోల్‌కతా ఆర్‌జీ కర్ ఆసుపత్రిలో జరిగిన జూనియర్ వైద్యురాలిపై హత్యాచారం కేసులో ప్రధాన నిందితుడు సంజయ్ రాయ్ నిర్వహించిన పాలిగ్రాఫ్ (లై డిటెక్టర్) టెస్ట్‌లో కీలక విషయాలు బయటకు వచ్చినట్టు సమాచారం. సంజయ్ రాయ్, తాను సెమినార్ హాల్‌లోకి వెళ్లేసరికి బాధితురాలు ఇప్పటికే మరణించిందని చెప్పినట్టు పేర్కొనబడింది.ఇతడు మొదట నేరాన్ని అంగీకరించినప్పటికీ, తాజాగా కోర్టులో తనను ఉద్దేశపూర్వకంగా ఈ కేసులో ఇరికించారని వాదించగా, పాలిగ్రాఫ్ పరీక్షలో కూడా ఇదే వాదనను కొనసాగించాడు. ఈ పరీక్షలో సంజయ్ రాయ్ ఇచ్చిన కొన్ని సమాధానాలు అనుమానాస్పదంగా ఉండగా, అతడు ఆందోళన వ్యక్తం చేసినట్లు తెలిసింది.దర్యాప్తు అధికారులు, సంజయ్ రాయ్‌ ఇచ్చిన కొత్త వాదనను నమ్మడానికి ఇష్టపడటం లేదు, ఈ కేసులో అతడిని ఇరికించినట్లుగా చెబుతూ, తనపై ఉన్న ఆరోపణలను తొలగించుకునే ప్రయత్నం చేస్తున్నాడని భావిస్తున్నారు. మొత్తం మీద, ఈ ఘటన దర్యాప్తులో కీలక మలుపు తీయనుంది.