సౌతాఫ్రికా టీ20 లీగ్ సెకండ్ సీజన్ టైటిల్ను డిఫెండింగ్ ఛాంపియన్ సన్రైజర్స్ ఈస్టెర్న్ కేప్ సొంతం చేసుకుంది. అసాధారణ ప్రదర్శనతో వరుసగా రెండో టెటిల్ గెలిచి ఈ టోర్నీలో తమకు తిరుగులేదని నిరూపించుకుంది. శనివారం ఏకపక్షంగా జరిగిన ఫైనల్లో సన్రైజర్స్ ఈస్టర్న్ కేప్ 89 పరుగులతో డర్బన్ సూపర్ జెయింట్స్ను చిత్తు చేసింది.ఈ మ్యాచ్లో ముందుగా బ్యాటింగ్ చేసిన సన్రైజర్స్ ఈస్టర్న్ కేప్ నిర్ణీత 20 ఓవర్లలో 3 వికెట్లకు 204 పరుగుల భారీ స్కోర్ చేసింది. ట్రిస్టన్ స్టబ్స్(30 బంతుల్లో 4 ఫోర్లు, 3 సిక్స్లతో 56), టామ్ అబెల్(34 బంతుల్లో 8 ఫోర్లు, 2 సిక్స్లతో 55) హాఫ్ సెంచరీలతో సత్తా చాటగా.. కెప్టెన్ ఎయిడెన్ మార్క్రమ్ మామ(26 బంతుల్లో 3 ఫోర్లు, 2 సిక్స్లతో 42), జోర్డాన్ హెర్మెన్(26 బంతుల్లో 4 ఫోర్లు, సిక్స్తో 42) మెరుపులు మెరిపించారు.
ఈ విజయం నేపథ్యంలో సన్రైజర్స్ ఓనర్ కావ్య మారన్ ఎగిరి గంతేసింది. ఈ మ్యాచ్ ఆసాంతం తన చేష్టలతో గ్యాలరీలో సందడి చేసింది. ఈ ఫైనల్ మ్యాచ్ కన్నా కావ్య పాపనే స్పెషల్ అట్రాక్షన్గా నిలిచింది. సన్రైజర్స్ బ్యాటర్లు బౌండరీలు బాదిన ప్రతీసారి కావ్య మారన్ సంబరాలు చేసుకుంది . చాలా హుషారుగా కనిపించిన ఆమె.. జట్టును తనదైన శైలిలో ఛీర్ చేసింది.
సౌతాఫ్రికా టీ20 ఛాంపియన్ సన్రైజర్స్.. ఎగిరి గంతేసిన కావ్య మారన్!
