రాణి ముఖ‌ర్జీ మర్దానీ చిత్ర 10వ వార్షికోత్సవం గుర్తుగా మూడో భాగం వీడియో విడుద‌ల

రాణి ముఖర్జీ ప్రధాన పాత్రలో తెరకెక్కిన “మర్దానీ” చిత్రం యష్ రాజ్ ఫిల్మ్స్ బ్యానర్‌పై రూపొందిన బ్లాక్ బస్టర్ హిట్. 2014లో విడుదలైన ఈ చిత్రం 10 సంవత్సరాలు పూర్తి చేసుకుంది. మర్దానీ, 2019లో వచ్చిన దాని సీక్వెల్ “మర్దానీ 2” రెండూ సూపర్ హిట్‌గా నిలిచాయి, ఈ రెండు చిత్రాలు బాక్సాఫీస్ వద్ద విజయవంతమయ్యాయి. రాణి ముఖర్జీ పోషించిన శివానీ శివాజీ రాయ్ అనే పవర్‌ఫుల్ పోలీస్ ఆఫీసర్ పాత్రకు ప్రత్యేకమైన అభిమాన వర్గం ఏర్పడింది.ఈ సినిమాలో రాణి ముఖర్జీ తన శక్తివంతమైన న‌ట‌నతో శివానీ శివాజీ రాయ్ పాత్రకు ప్రాణం పోశారు. లింగ వివక్షను ఎదుర్కొంటూ, న్యాయం కోసం పోరాడే ధైర్యవంతురాలిగా ఆమె పాత్రను స్ఫూర్తిదాయకంగా చూపించారు. కష్టాల్లో ఉన్న వారిని కాపాడటం కోసం ఏ రిస్క్ అయినా చేయగల సాహసవంతురాలిగా ఆమె పాత్రను అద్భుతంగా న‌టించారు.ఈ చిత్రం, మహిళలు తమ హక్కుల కోసం ఎలా పోరాడవలసి ఉందో, వారు సమాజంలో తగిన స్థానాన్ని పొందడానికి ఎంత కష్టపడాల్సి ఉంటుందో చూపిస్తుంది. రాణి ముఖర్జీ నటన ప్రేక్షకులను అద్భుతంగా ఆకట్టుకుంది. మూడో భాగానికి సంబంధించిన వీడియోను మేకర్స్ విడుదల చేశారు, ఇది ఈ సిరీస్ అభిమానుల్లో ఆసక్తిని రేకెత్తిస్తోంది.