ఓటీటీల్లోకి మార్చి నెలలో కొన్ని ఇంట్రెస్టింగ్ సినిమాలు, వెబ్ సిరీస్ రాబోతున్నాయి. వీటిలో హనుమాన్ మూవీ, మహారాణి 3లాంటి వెబ్ సిరీస్ ఉన్నాయి.
ఈగల్ – ఈటీవీ విన్ ..మాస్ మహారాజా రవితేజ నటించిన ఈగల్ మూవీ ఫిబ్రవరి 9న రిలీజైంది. అయితే సినిమాకు మిక్స్‌డ్ టాక్ రావడంతో ఈగల్ మూవీ నెల లోపే అంటే మార్చి 2 నుంచే ఈటీవీ విన్ ఓటీటీలో స్ట్రీమయ్యే అవకాశాలు ఉన్నాయి.
హనుమాన్ – జీ5 ..ఈ ఏడాది టాలీవుడ్, బాలీవుడ్ అన్న తేడాలేకుండా పెద్ద హిట్స్ లో ఒకటిగా నిలిచిన మూవీ హనుమాన్. సంక్రాంతికి రిలీజైన ఈ సినిమా మొత్తానికి మార్చి 2న జీ5 ఓటీటీలోకి రాబోతోంది. ఇప్పటికే సంక్రాంతి సినిమాలన్నీ ఓటీటీల్లోకి రాగా..హనుమాన్ ఆలస్యంగా వచ్చే నెలలో వస్తోంది.
మహారాణి సీజన్ 3 – సోనీలివ్..తొలి రెండు సీజన్లతో ఎంతగానో అలరించిన మహారాణి వెబ్ సిరీస్ ఇప్పుడు మూడో సీజన్ తో రాబోతోంది. మార్చి 7 నుంచి ఈ సిరీస్ కొత్త సీజన్ సోనీలివ్ ఓటీటీలో స్ట్రీమింగ్ అవుతుంది. ఇప్పటికే వచ్చిన ట్రైలర్ బాగా ఆకట్టుకుంది.
ఫైటర్ – నెట్‌ఫ్లిక్స్ ..హృతిక్ రోషన్, దీపికా పదుకోన్ నటించిన ఫైటర్ మూవీ జనవరి 25న థియేటర్లలో రిలీజైంది. సిద్ధార్థ్ ఆనంద్ గత సినిమాల స్థాయిలో వసూళ్లు సాధించకపోయినా.. మూవీకి పాజిటివ్ రివ్యూలే వచ్చాయి. ఈ సినిమా మార్చి 21 నుంచి నెట్‌ఫ్లిక్స్ లో స్ట్రీమింగ్ కానుంది.
సన్‌ఫ్లవర్ సీజన్ 2 – జీ5 ..జీ5 ఓటీటీలో గతంలో వచ్చిన సన్ ఫ్లవర్ వెబ్ సిరీస్ కు మంచి రెస్పాన్స్ వచ్చింది. సునీల్ గ్రోవర్ నటించిన ఈ సిరీస్ ఇప్పుడు సరికొత్త సీజన్ తో రాబోతోంది. సన్ ఫ్లవర్ సీజన్ 2 మార్చి 1 నుంచి జీ5 ఓటీటీలో స్ట్రీమింగ్ కానుంది.
మెర్రీ క్రిస్మస్ – నెట్‌ఫ్లిక్స్ …విజయ్ సేతుపతి, కత్రినా కైఫ్ నటించిన మిస్టరీ థ్రిల్లర్ మూవీ మెర్రీ క్రిస్మస్ కు మంచి రివ్యూలే వచ్చినా.. బాక్సాఫీస్ దగ్గర బోల్తా పడింది. ఇప్పుడీ సినిమా మార్చి 8 నుంచి నెట్‌ఫ్లిక్స్ ఓటీటీలో స్ట్రీమింగ్ కానుంది.
యే వతన్ మేరే వతన్ – ప్రైమ్ వీడియో ..బాలీవుడ్ నటి సారా అలీ ఖాన్ నటించిన యే వతన్ మేరే వతన్ మూవీ నేరుగా ఓటీటీలోకి వస్తోంది. భారతదేశ స్వతంత్ర సమరయోధురాలు ఉషా మెహతా జీవిత కథ స్ఫూర్తిగా ఈ మూవీ తెరకెక్కింది.
షోటైమ్ – డిస్నీ ప్లస్ హాట్ స్టార్ ..బాలీవుడ్ ఇండస్ట్రీ గురించి వివిధ ఇంట్రెస్టింగ్ అంశాలను తెరపైకి తీసుకొచ్చే ప్రయత్నమే ఈ షోటైమ్. తెర వెనుక స్టార్ల జీవితం, ఓ సినిమా లేదా సిరీస్ షూటింగ్ ఎలా జరుగుతుందన్న అంశాలను దీని ద్వారా ప్రేక్షకుల ముందుకు తీసుకురానున్నారు.