ఘనంగా టిడిపి నేత జన్మదిన వేడుకలు.

లేపాక్షి: మండల కేంద్రమైన లేపాక్షిలో తెలుగుదేశం పార్టీ సీనియర్ నేత వెచ్చం సుబ్రహ్మణ్యం జన్మదిన వేడుకలు ఆదివారం ఘనంగా జరిగాయి. వెచ్చం సుబ్రహ్మణ్యం స్వగృహంలో జరిగిన జన్మదిన వేడుకల్లో మండల తెలుగుదేశం పార్టీ కన్వీనర్ జయప్ప తో పాటు పలువురు తెలుగుదేశం పార్టీ నాయకులు జన్మదిన వేడుకల్లో పాల్గొని ఆయనకు జన్మదిన శుభాకాంక్షలు తెలియజేశారు. ఈ సందర్భంగా కన్వీనర్ జయప్ప మాట్లాడుతూ, తెలుగుదేశం పార్టీ ఆవిర్భావం నుండి సుబ్రహ్మణ్యం పార్టీ అభివృద్ధికి కృషి చేశారన్నారు. పార్టీ అభివృద్ధిలో సుబ్రహ్మణ్యం పాత్ర ఎనలేనిది అన్నారు. అనంతరం ఆయనకు పూల మాలలు శాలువాలతో ఘనంగా సత్కరించారు. ఈ సందర్భంగా కేక్ కట్ చేసి నాయకులు, కార్యకర్తలకు పంచిపెట్టారు. అదేవిధంగా వీరభద్రస్వామి అన్నదాన సేవా ట్రస్ట్ భవనంలో కమిటీ సభ్యులు సుబ్రహ్మణ్యం జన్మదిన వేడుకలను నిర్వహించారు. ఈ సందర్భంగా ఆయనను శాలువా పూలమాలలతో సత్కరించి కేక్ కట్ చేశారు. ఈ కార్యక్రమంలో తెలుగుదేశం పార్టీ నాయకులు ఆనంద్ కుమార్ ,చంద్రశేఖర్ గౌడ్, బయన్నపల్లి రవి ,ప్రభాకర్ రెడ్డి, బసవరాజ్, గంగిరెడ్డి, జనసేన మండల కన్వీనర్ బాలాజీ ,అన్నదాన సేవా ట్రస్ట్ సభ్యులు రాంప్రసాద్, వెచ్చం రవీంద్రనాథ్, లక్ష్మీనారాయణ రెడ్డి ,తదితరులు పాల్గొన్నారు.