బిఆర్ఎస్ లో టికెట్ ఆశించి భంగపడిన ఎమ్మెల్యేలు బీజేపీలో కి చేరిన ఎంత మాత్రం ప్రయోజనం ఉంటుందనేది ఇప్పుడు ప్రధానంగా వినిపిస్తున్న ప్రశ్న.తెలంగాణ లో ఉన్న 119 నియోజకవర్గ స్థాయిలో భూత్ లెవెల్ కార్యకర్తలు లేని బీజేపీలో కి వస్తే వీరందరికి ఎన్నికల్లో ప్రజాదరణ ఉంటుందా అనే మీమాంసకూడా లేకపోలేదు.పోనీ ఎలాగైనా పోటీ చేసి తీరుతామని ఎన్నికల సందర్భంగా గులాబీ కండువా తీసి కాషాయ కండువా కప్పుకుంటే బిఆర్ఎస్ అవినీతి చేశారు కాబట్టి అక్కడ టికెట్ లేక ఇక్కడి వచ్చారా అని తెలంగాణ సమాజం స్వాగటిస్తుందా అంటే ప్రజలు అంత అమాయకులు కాదనే వాదన వినిపిస్తోంది. పోనీ అటు ప్రజల సంగతి వదిలేసి ప్రత్యక్ష ఎన్నికల్లోకి వెళితే ఈ సెకండ్ హ్యాండ్ ఎమ్మెల్యేలను ప్రజలు ఆదరిస్తారో లేదో అన్న అనుమానాలు కాషాయ దళం నుండి గుసగుసలు వినిపిస్తున్నాయి.సరే బీజేపీ లో లాభం లేదు అనుకుంటే మిగిలింది కాంగ్రెస్ పార్టీ. కర్ణాటక ఎన్నికల్లో బీజేపీ స్వయంకృపారాదంతో కాంగ్రెస్ అధికారంలోకి వచ్చిందనేది జగమెరిగిన సత్యం.అయితే అక్కడిలాగే తెలంగాణ ప్రజలు కూడా అలాంటి తీర్పు ఇస్తారా అంటే అందుకు పరిస్థితులు ఇక్కడ భిన్నంగా ఉన్నాయి.ఎంతయిన తెలంగాణ ప్రభుత్వం గ్రామీణ ప్రజలకు కొంత మేలు చేసిందన్న భావన లేక పోలేదు.అందునా రాజకీయ మేధావి,తెలంగాణ రాష్ట్ర సాధన లో ఎన్నో కుయుక్తులు సెంటిమెంట్ ను తెచ్చి రాష్ట్రాన్ని సాధించుకుని 2 పర్యాయాలు ముఖ్యమంత్రి గా అధికారం చేపట్టి ప్రతిపక్షాలను నామామాత్రాంగా పరిమితము చేసిన కేసీఆర్ ను ఢీకొట్టడం వీలవుతుందా అన్న ప్రశ్న లేక పోలేదు. ఈ పరిణామాల నేపధ్యంలో తెలంగాణ రాజకీయ ముఖచిత్రం లో బిఆర్ఎస్ కాదని బీజేపీ,కాంగ్రెస్ పార్టీలు అధికారం సాధిస్తాయని ఊహించడం కూడా కొంత అతిశయోక్తి అన్న భావన కూడా మేధావి వర్గాల నుండి వినిపిస్తోంది. కేసీఆర్ చతురత ముందు మిగిలిన రాజకీయ పార్టీలు తెలంగాణా సమాజాన్ని తమవైపు ఏ విదంగా మలుచుకుంటుందనేది వేచి చూడాల్సిందే.

The post బిజెపి లోకి సెకండ్ హ్యాండ్ ఎమ్మెల్యేలు!అక్కడ చెల్లని రూపాయి ఇక్కడ చెల్లుతుందా? appeared first on Praja Bhoomi.