చంద్రబాబు కుటుంబ సభ్యులతో ప్రధాని మోదీ గ్రూప్ ఫొటో!

ఏపీ ముఖ్యమంత్రిగా చంద్రబాబు ప్రమాణం స్వీకార కార్యక్రమానికి ప్రధాని నరేంద్ర మోదీ ముఖ్య అతిథిగా విచ్చేసిన సంగతి తెలిసిందే. ఈ ఉదయం 11.27 గంటలకు చంద్రబాబు ఏపీ సీఎంగా ప్రమాణ స్వీకారం చేసిన అనంతరం ప్రధాని మోదీ అమితానందం వ్యక్తం చేశారు. పట్టలేని సంతోషంతో చంద్రబాబును హత్తుకుని, వీపు తడుతూ అభినందనలు తెలిపారు.కాగా, ఈ కార్యక్రమానికి విచ్చేసిన సందర్భంగా ప్రధాని మోదీ… సీఎం చంద్రబాబు కుటుంబ సభ్యులతో కలిసి గ్రూప్ ఫొటో దిగారు. ఈ ఫొటోలో మోదీతో పాటు చంద్రబాబు, నారా భువనేశ్వరి, నారా లోకేశ్, బ్రాహ్మణి, నారా దేవాన్ష్ ఉన్నారు. మోదీ… లోకేశ్ తనయుడు దేవాన్ష్ భుజాలపై చేతులేసి చిరునవ్వులు చిందిస్తూ నిల్చుని ఉండడం ఈ ఫొటోలో చూడొచ్చు.