మార్చి 1న ‘ఆపరేషన్ వాలెంటైన్’ ట్రైలర్

వైమానికదళ నేపథ్యంలో ఇంతవరకూ పూర్తి స్థాయి తెలుగు సినిమా వచ్చింది లేదు. అలాంటి ఒక కాన్సెప్ట్ తో రూపొందిన సినిమాగా ‘ఆపరేషన్ వాలెంటైన్’ కనిపిస్తుంది. వరుణ్ తేజ్ – మానుషి చిల్లర జంటగా నటించిన ఈ సినిమాకి, శక్తిప్రతాప్ సింగ్ దర్శకత్వం వహించాడు. మార్చి 1వ తేదీన ఈ సినిమా విడుదల కానుంది. ఈ నేపథ్యంలో ఈ సినిమా ప్రమోషన్స్ ఊపందుకున్నాయి. వాటిలో భాగంగా కొంతసేపటి క్రితం ఈ సినిమా నుంచి ఒక ట్రైలర్ ను రిలీజ్ చేశారు. ప్రధానమైన పాత్రలను కవర్ చేస్తూ ఈ ట్రైలర్ ను కట్ చేశారు. లవ్ .. యాక్షన్ … ఎమోషన్ ప్రధానంగా నడిచే సన్నివేశాలపై కట్ చేసిన ట్రైలర్ ఆసక్తిని పెంచుతోంది. యుద్ధ విమానాలు .. అవి చేసే విన్యాసాలు ఆడియన్స్ ను ఆశ్చర్య చకితులను చేస్తాయనే విషయం ట్రైలర్ ను బట్టి అర్థమవుతోంది. 2019లో జరిగిన ఒక యథార్థ సంఘటన ఆధారంగా ఈ సినిమాను రూపొందించారు.