‘శాశ్వ‌త భూ హ‌క్కు-భూ ర‌క్ష‌ణ ప‌థ‌కం’ పేరు మార్పు’ఏపీ రీ స‌ర్వే ప్రాజెక్టు’గా మారుస్తూ రెవెన్యూ శాఖ ఉత్త‌ర్వులు

ఆంధ్రప్రదేశ్‌లో ప్రస్తుతం అధికారంలో ఉన్న కూటమి ప్రభుత్వం, వైసీపీ హయాంలో అమలులో ఉన్న పలు పథకాల పేర్లను మార్చడం కొనసాగిస్తోంది. ఈ కోవలో, తాజాగా జగన్ ప్రభుత్వం ప్రవేశపెట్టిన “శాశ్వత భూ హక్కు-భూ రక్షణ” పథకం పేరును “ఏపీ రీ సర్వే ప్రాజెక్టు”గా మార్చుతూ రెవెన్యూ శాఖ ఉత్తర్వులు జారీ చేసింది.వైసీపీ ప్రభుత్వం ఈ పథకాన్ని గ్రామాల్లో భూ వివాదాలు, తగాదాలు తొలగించాలనే ఉద్దేశంతో తీసుకొచ్చింది. ఇందులో భాగంగా భూముల సమగ్ర రీ సర్వే చేపట్టారు. అయితే, పథకం అమలు సమయంలో అవకతవకలు జరిగినట్లు ఆరోపణలు ఎదురయ్యాయి, ఫలితంగా కొందరు బాధితులు ఈ పథకంపై ఆగ్రహం వ్యక్తం చేశారు.టీడీపీ అధినేత చంద్రబాబు నాయుడు ప్రతిపక్షంలో ఉన్నప్పుడు ఈ పథకాన్ని తీవ్రంగా విమర్శించారు. ఆయన తమ పార్టీ అధికారంలోకి వస్తే ఈ పథకంలో మార్పులు చేస్తామని చెప్పారు. కూటమి ప్రభుత్వం ఏర్పడిన తరువాత, “శాశ్వత భూ హక్కు-భూ రక్షణ” పథకం పేరును మార్చడం ద్వారా ఈ నిర్ణయాన్ని అమలు చేసింది.