తెలంగాణ సాయుధ పోరాట యోధురాలు చాకలి ఐలమ్మకు సిఎం రేవంత్‌ నివాళి

తెలంగాణ సాయుధ పోరాట యోధురాలు చాకలి ఐలమ్మ జయంతి సందర్భంగా తెలంగాణ ముఖ్యమంత్రి రేవంత్ రెడ్డి ఆమెకు నివాళులర్పించారు. ఐలమ్మను బహుజన ఆత్మగౌరవానికి, మహిళా చైతన్యానికి ప్రతీకగా అభివర్ణిస్తూ, ఆమె పోరాటం తెలంగాణ ప్రజలకు స్ఫూర్తినిచ్చిందని ప్రశంసించారు.గడీలపై ఐలమ్మ గళమెత్తి భూపోరాటానికి నాంది పలికిన ఘనత ఆమెకు దక్కిందని సీఎం రేవంత్ గుర్తుచేశారు. అంతేకాక, కోఠి మహిళా విశ్వవిద్యాలయానికి ఐలమ్మ పేరు పెట్టిన విషయాన్ని స్మరించారు. ఐలమ్మ వారసులకు సముచిత గుర్తింపును ప్రభుత్వం కల్పించిందని ఆయన అన్నారు, ఈ సందర్భాన్ని ఆమె మహోన్నత సేవలను జ్ఞాపకం చేసుకునే అవకాశంగా చేసుకున్నారు.