జెత్వానీ కేసు.. ముగ్గురు ఐపీఎస్ లను నిందితులుగా చేర్చిన పోలీసులు

ముంబైకి చెందిన జెత్వానీ కేసులో కీలక పరిణామం చోటుచేసుకుంది. ఈ కేసులో ముగ్గురు సీనియర్ ఐపీఎస్ అధికారులను పోలీసులు నిందితులుగా చేర్చారు. ముఖ్యంగా, కీలక నిందితుడు కుక్కల విద్యాసాగర్‌ను ఈ తెల్లవారుజామున మేజిస్ట్రేట్ ముందు ప్రవేశపెట్టారు. రిమాండ్ రిపోర్టులో, సీనియర్ ఐపీఎస్ అధికారులు పీఎస్సార్ ఆంజనేయులు, కాంతి రాణా తాతా, విశాల్ గున్నీ పేర్లు నిందితులుగా నమోదయ్యాయి. ఈ కేసులో:ఏ1 నిందితుడు విద్యాసాగర్ఏ2గా అప్పట్లో కేసు విచారణాధికారి సత్యనారాయణఏ3 పీఎస్సార్ ఆంజనేయులుఏ4 కాంతి రాణా తాతాఏ5గా విశాల్ గున్నీకోర్టు విద్యాసాగర్‌కు 14 రోజుల రిమాండ్ విధించింది, అయితే మరింత విచారణ జరిపితే కేసులో మరిన్ని వివరాలు వెలుగులోకి వచ్చే అవకాశాలు ఉన్నాయి. నాన్-బెయిలబుల్ సెక్షన్లు ఉన్న ఈ కేసులో ముగ్గురు ఐపీఎస్ అధికారులకు సమస్యలు ఎదురయ్యే అవకాశముంది. ఇప్పటికే, కాంతి రాణా తాతా హైకోర్టులో ముందస్తు బెయిల్ కోసం పిటిషన్ వేశారు, హైకోర్టు రేపటి వరకు ఆయనపై చర్యలు తీసుకోవద్దని ఆదేశించింది.