ఏపీ హోంమంత్రి అనితను కలిసిన సుగాలి ప్రీతి తల్లి

సుగాలి ప్రీతి కేసు చాలా సంవత్సరాలుగా అపరిష్కృతంగా ఉండటం బాధాకరం. ఈ కేసు 7 ఏళ్ల క్రితం కర్నూలులో చోటుచేసుకుంది. ఒక ప్రైవేటు స్కూల్లో విద్యార్థిని సుగాలి ప్రీతి ఉరేసుకుని చనిపోయిందని స్కూల్ యాజమాన్యం చెప్పింది. కానీ, ప్రీతి తల్లిదండ్రులు మాత్రం స్కూల్ కరస్పాండెంట్ కుమారులే ఆమెపై అత్యాచారం చేసి హత్య చేసినట్లు ఆరోపించారు.ఈ కేసు ఇప్పటికీ పూర్తి స్థాయిలో న్యాయం పొందలేదు. ఏపీ డిప్యూటీ సీఎం పవన్ కల్యాణ్ కూడా ఈ విషయంలో ఆవేదన వ్యక్తం చేశారు, తమ పార్టీ అధికారంలోకి వచ్చిన తర్వాత న్యాయం చేస్తామని హామీ ఇచ్చారు.తాజాగా, సుగాలి ప్రీతి తల్లి పార్వతీదేవి అమరావతిలోని రాష్ట్ర సచివాలయంలో హోంమంత్రి అనితను కలుసుకున్నారు. కేసు సీబీఐకి అప్పగించినప్పటికీ, విచారణ ప్రగతిలోకి రాలేదని, గత ప్రభుత్వం ఫేక్ జీవోలతో మోసం చేసిందని పార్వతీదేవి ఆరోపించారు.హోంమంత్రి అనిత ఈ కేసును సీఐడీకి అప్పగిస్తామని, సీఐడీ చీఫ్ రవిశంకర్ స్వయంగా విచారిస్తారని హామీ ఇచ్చారని పేర్కొన్నారు. ఈ విచారణపై కొత్త సర్కారు తీసుకునే చర్యలపై ప్రీతి కుటుంబం ఆశలు పెట్టుకుంది.