చంద్రబాబుకు కృతజ్ఞతలు తెలిపిన నారా భువనేశ్వరి
జాతీయ చేనేత దినోత్సవం సందర్భంగా విజయవాడలో జరిగిన కార్యక్రమంలో ముఖ్యమంత్రి చంద్రబాబు పాల్గొనడం ద్వారా చేనేత రంగానికి ప్రోత్సాహం ఇవ్వడం జరిగింది. ఈ సందర్భంగా ఆయన తన సతీమణి నారా భువనేశ్వరి కోసం రెండు చేనేత చీరలు కొనుగోలు చేయడం జరిగింది.నారా భువనేశ్వరి తన సోషల్ మీడియా వేదికగా చంద్రబాబుకు కృతజ్ఞతలు తెలుపుతూ స్పందించారు. ఆమె చేనేత రంగాన్ని ప్రోత్సహించాల్సిన అవసరాన్ని గురించి మాట్లాడుతూ, “విజయవాడలో చేనేత ఉత్పత్తుల ప్రదర్శన ఏర్పాటు చేయడం అద్భుతమైన నిర్ణయం. చేనేత అనేది గ్రామీణ ప్రాంతాల్లో జీవనోపాధి మాత్రమే కాదు, స్థిరమైన, నైతిక వారసత్వ కళా సంపద,” అని పేర్కొన్నారు.ఆమె ఇంకా చెప్పినదాంట్లో, చేనేత దుస్తులను ధరించడం ద్వారా మన సంప్రదాయ దుస్తుల శైలికి సంబంధించిన అందమైన వైవిధ్యాన్ని ప్రోత్సహించడం అవుతుందని వెల్లడించారు.తద్వారా, ముఖ్యమంత్రి చంద్రబాబు నాయకత్వంలోని ఆంధ్రప్రదేశ్ ప్రభుత్వం చేనేతకు పూర్వ వైభవాన్ని తీసుకురావడానికి చేస్తున్న కృషిని ఆమె ప్రశంసించారు.