అర్జీలకు సకాలంలో పరిష్కారం చూపండి

అధికారులకు జిల్లా కలెక్టర్ ఎం.గౌతమి ఆదేశం

అనంతపురము
జగనన్నకు చెబుదాం, స్పందన గ్రీవెన్స్ కార్యక్రమంలో ప్రజల నుంచి వచ్చిన అర్జీలకు సకాలంలో పరిష్కారం చూపించాలని జిల్లా కలెక్టర్ అధికారులను ఆదేశించారు. స్ధానిక కలెక్టరేట్ లోని రెవెన్యూ భవనంలో సోమవారం నిర్వహించిన జగనన్నకు చెబుదాం, స్పందన గ్రీవెన్స్ కార్యక్రమంలో జిల్లా కలెక్టర్ పాల్గొని ప్రజల నుంచి అర్జీలను స్వీకరించారు. అర్జీలను స్వీకరించే కార్యక్రమంలో జాయింట్ కలెక్టర్ కేతన్ గార్గ్, నగర పాలక సంస్థ కమిషనర్ మేఘస్వరూప్, జిల్లా పరిషత్ సీఈవో వైఖోమ్ నిదియా దేవి, డిప్యూటీ కలెక్టర్లు నీలమయ్య, రవీంద్ర, ఆనంద్, తదితరులు పాల్గొన్నారు. ఈ సందర్భంగా ప్రజల నుంచి 364 అర్జీలను జిల్లా కలెక్టర్ స్వీకరించారు.
అనంతరం జిల్లా కలెక్టర్ మాట్లాడుతూ, అర్జీల పరిష్కారంలో నిర్లక్ష్యానికి తావివ్వరాదని, గడువులోపు అర్జీలను నిత్యం మానిటర్ చేస్తూ పరిష్కరించేందుకు చర్యలు తీసుకోవాలని ఆయా శాఖల అధికారులను కలెక్టర్ ఎం గౌతమి ఆదేశించారు. మళ్లీ రీఓపెన్ కాకుండా అర్జీలను నాణ్యతగా పరిష్కరించాలని, అర్జీదారున్ని సంప్రదించి అర్జీలకు పరిష్కారం చూపించాలని అన్నారు. ఆయా శాఖల జిల్లా అధికారులు ప్రత్యేక దృష్టి సారించి అర్జీలను ఎప్పటికప్పుడు పరిష్కరించాలన్నారు. ఈ కార్యక్రమంలో సిపిఓ అశోక్ కుమార్ రెడ్డి, డిఆర్డిఏ పిడి నరసింహారెడ్డి, మెప్మా పీడీ విజయలక్ష్మి, వ్యవసాయ శాఖ జేడీ ఉమామహేశ్వరమ్మ, సోషల్ వెల్ఫేర్ జేడీ మధుసూదన్ రావు, ఐసిడిఎస్ పీడీ శ్రీదేవి, జిల్లా పరిశ్రమల శాఖ జనరల్ మేనేజర్ నాగరాజారావు, ఎల్డిఎం సత్యరాజ్, డీపీఓ ప్రభాకర్ రావు, డిఎంహెచ్ఓ డా.ఈబి.దేవి, డిసిహెచ్ఎస్ డా. పాల్ రవికుమార్, జిల్లా ఆరోగ్యశ్రీ కోఆర్డినేటర్ డా.కిరణ్ కుమార్ రెడ్డి, ప్రభుత్వ ఆసుపత్రి సూపరింటెండెంట్ డా.వెంకటేశ్వరరావు, పశుసంవర్ధక శాఖ జేడీ సుబ్రమణ్యం, బీసీ వెల్ఫేర్ డీడీ కుష్బూ కొఠారి, డిటిడబ్ల్యువో రామాంజనేయులు, వికలాంగుల సంక్షేమ శాఖ ఏడి రసూల్, హార్టికల్చర్ డీడీ రఘునాథ రెడ్డి, ఏపీఎంఐపి పీడీ ఫిరోజ్ ఖాన్, బీసీ కార్పొరేషన్ ఈడీ సుబ్రహ్మణ్యం, ఏపీఎస్పీడీసీఎల్ ఏడీ వివేకానంద స్వామి, ఆర్అండ్బి ఎస్ఈ ఓబుల్ రెడ్డి, డిటిసి వీర్రాజు, డిఎల్డివో ఓబులమ్మ, డిఎస్ఓ శోభారాణి, కలెక్టరేట్ సూపరింటెండెంట్ లు, వివిధ శాఖల జిల్లా అధికారులు, తదితరులు పాల్గొన్నారు.