గొల్లప్రోలు
గొల్లప్రోలు మండలం తాటిపర్తి గ్రామంలో వేంచేసియున్న శ్రీ అపర్ణ అమ్మవారికి బుధవారం మాఘమాసం శ్రీ పంచమి సందర్భంగా ప్రత్యేక పూజలు నిర్వహించారు. సరస్వతి అమ్మవారి జన్మదినం సందర్భంగా అపర్ణ అమ్మవారిని సరస్వతీ మాతగా అలంకరించారు. ఈ సందర్భంగా సుమారు 100 మంది చిన్నారులచే అక్షరాభ్యాసం చేయించారు. ఆలయ ప్రధాన అర్చకులు ఆకొండి ప్రభాకర శాస్త్రి అమ్మవారికి విశేష పూజలు నిర్వహించారు. ఈ కార్యక్రమంలో ఆలయ వేద పండితులు, దైవజ్ఞరత్న ఆకొండి వెంకటేశ్వర శర్మ, ఆలయ కమిటీ చైర్మన్ గారపాటి బుజ్జి, గ్రామ ఉపసర్పంచ్ దాసం వెంకటేష్ పలువురు ఆలయ కమిటీ సభ్యులు, వివిధ గ్రామాలకు చెందిన భక్తులు పాల్గొన్నారు.